في ليلة عرسها تبكي..
حزينه وقلبها يحكي ..
يقول
الحمد لك ربي على كل حال..
على الصحه..على النعمه ..
على قلبٍ شكى همه ..
وصبرٍ طال..
خلاص يا بنيّـتي إنسي..
قوّي قلبك الحاني وإقسي..
نصيبك هو نصيبك..
ما بيدينا شي..
ولو كان الله كاتب لك حبيبك..
ما وقف في دربكم شي..
تجاوبها..
أبي أعرف..
عمي شلّي استفادة الحين.. ؟!
لو ذبحني كان ابرك..
وزوجي..ايش ذنبه المسكين ؟
يعيش باقي العمر..مع جثه تتحرك !
عليك الله يا يمّه..قولي لي اشلون أضمه.. ؟!
وإذا ودّه يكلمني .. وشاف دموعي فـ عيوني..
قولي اشلون اكلمه.. ؟!
وإذا ناداني باسمي..
وأنا أخطيت في إسمه..
يا ترى وش موقفه مني..
وهو يسمع اسم غيره؟!!
خلاص فضيها من سيره ..
خلاص يا بنيّـتي إنسي ..
قوّي قلبك الحاني وإقسي..
نصيبك هو نصيبك..
ما بيدينا شي..
ولو كان الله كاتب لك حبيبك ..
ما وقف في دربكم شي..
بقولك شي يا يمّه.. وخليها من الأسرار ..
أبكتب له رسالة شوق ..
بشاكيه الألم والعوق..
عقب ما أنتهي منها..
بكل الحرص أرسليها..
وخبيها عن الأنظار..
وابي منّك وعد صادق..
توصليها لذاك المغرم العاشق..
وبعد ما يوصلك ردّه..
على طول بلغيني بآخر الأخبار..
وكتبت من حزنها أبيات..
تقول فيها..
سلاماتي..تحياتي..وأشـواقـي الشديدة
...على اللي روحه قبالي..وأنفـاسـه بعيده
على اللي افترقنا غصب عن عينـي وعينه
...بعد ما كنت انا وهو نحلم بلحـظـه سعيده
بعيش بغربتي لحـالـي..وهـو الله يعينه
...يكمّل نصفه الثاني..ويلـقـى مـن تريده
مثل ما قالت امـي..مـا لـنـا إلا قدرنا
...والا مـن زمـان المفتـرض إيـدي بإيده
يسامحك الله يا عمي.. علـى عمـرٍ قتلته
...بعد ما ماتت سعادتي وش اللـي بتستفيده؟
أنا آسفه على اعذاري ..وربي غصب عني
...نعم بتزوّج فلان..بس بعيش عمري وحيده
محّد ممكـن انّـه يملا عيـونـي بدونك
...تذكّر كلمتي هـذي .. أنـا فـ حبّـك شهيده
تذكّر كلمتي أرجـوك..لأنهـا مـن فؤادي
...فؤادي اللي ذبحوه اليوم..وطعنوه فـ وريده
تذكّر كلمةٍ فيهـا شـعوري ومـا طـرى لي
...أنا فـ حبك شهيده..وذي ترى آخر قصيده
وجتها الوالده عندها ..
وهي تحاول تغض الطرف..
وتسألها..
أبيات..
هي أبيات..لحبٍ من حياتي فات..
لحبٍ من حياتي طار...
بسرعه ارجوك أرسليها..
وهي تذرف ..دموعٍ نار..
على هونك..
خلاص اطّمني انتي..
برسل ما كتبتي..
واستعدّي ..
بعد شوي يزفونك..
يزفوني؟!!
وربي كان أهون لو يكفنوني.. !!
بعد ايّام..
تسافر لاجل تقضي.. شهر العسل..
والمكتوب للعاشق وصل..!
وحانت ساعة الردة ..
بعد ما طالت المدة..
وموعدهم بعد ساعات..
لاجل ما توصل الرحله
وأول ما وطوا أرض المطار..
من الفرحه بكوا..
واستقبلوهم أهلهم باحضانهم..
يجاوبهم...الله يسلمكم..تطير البنت ناحية أمّها..
اشتقت لك حيل يمّه..
وهاتي حضنك الدافي..
ترى مشتاقه أضمّه..
وعلميني عن احوالك ..
عن اخبارك.. عساك بخير؟
بخير يا بنيّـتي.. دامك بخير..
خير يا يمّه ..خير؟!
نسيتي إنك ارسلتي رساله..
قبل ما ترحلين بخير وسهاله.. ؟!
صحيح... توني تذكّرت!!!
أرسل لك جواب ..؟
بعد ما ارسلتيها..
[right]صرت انتظر منّه خطاب..
ومرّت ايام وليالي وساعات..
بعد مدّه.. شهر أو يمكن شويه يزيد..
لقيت نفس الرساله..عند صندوق البريد..
تقول:لم يقرأها أحد .. !!
قلت بنفسي اتأكّد..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي..
وكنتي حيل مغتمّه..
حبيبك ما قدر يتحمّل الصدمه..
مع كل الأسف...مـــات!!!
[/right][/][/color]
الأربعاء مارس 17, 2021 11:51 pm من طرف ناناتوتا
» زي موحد _(شركة السلام لليونيفورم 01118689995 )
الأربعاء مارس 17, 2021 11:11 pm من طرف ناناتوتا
» يونيفورم عاملات _لليونيفورم Tn شركة
الإثنين مارس 15, 2021 11:56 pm من طرف ناناتوتا
» زي موحد _شركة 3A لليونيفورم (01200561116 )يونيفورم
الإثنين مارس 15, 2021 11:25 pm من طرف ناناتوتا
» فساتين اميرات ديزنى للاطفال _01102226488
الإثنين مارس 15, 2021 10:53 pm من طرف ناناتوتا
» ملابس تنكرية للاولاد _01102226488
الأحد مارس 14, 2021 12:21 am من طرف ناناتوتا
» شركة تصنيع يونيفورم امن _ ( شركة السلام لليونيفورم 01223182572 )
السبت مارس 13, 2021 11:58 pm من طرف ناناتوتا
» يونيفورم الطباخين_( شركة السلام لليونيفورم 01118689995 )
السبت مارس 13, 2021 10:35 pm من طرف ناناتوتا
» اكبر شركة يونيفورم مصانع فى مصر_( شركة السلام لليونيفورم 01223182572 )
السبت مارس 13, 2021 9:44 pm من طرف ناناتوتا
» يونيفورم المستشفيات _( شركة السلام للملابس الطبية 01102226499 )
السبت مارس 13, 2021 9:20 pm من طرف ناناتوتا